ഈ പ്ലാറ്റ്ഫോം രൂപീകരിക്കപ്പെട്ടത് തന്നെ സാധാരണക്കാരെ ബോധവൽക്കരിക്കുക എന്ന ഉദ്ദേശത്തോടെയാണ്. ഞങ്ങളെ ബോധവൽക്കരിക്കുവാൻ ഞങ്ങളെല്ലാം മണ്ടന്മാരാണോ എന്ന് ചോദിക്കാൻ നിങ്ങൾക്ക് തോന്നാം. അത് മനുഷ്യസഹജവും സ്വാഭാവികവുമാണ്. ഞങ്ങളുടെ ആദ്യ ഓഡിയോ ബുക്കാണ് അതിനുള്ള ഉത്തരം. അത് നിങ്ങൾ കേട്ടാൽ സമൂഹത്തിൽ നടക്കുന്ന വിഷയങ്ങളെക്കുറിച്ച് ഈ പ്ലാറ്റ്ഫോമിലൂടെ പറയുന്നത് കേൾക്കാൻ ഇനിയും നിങ്ങൾ ആഗ്രഹിക്കും. അതിനാൽ നിങ്ങൾക്ക് താല്പര്യമുണ്ടെങ്കിലും ഇല്ലെങ്കിലും ഞങ്ങളുടെ ആദ്യ ഓഡിയോ ബുക്ക് നിങ്ങൾ മുഴുവനായും കേൾക്കണം എന്ന് ഞങ്ങൾ അഭ്യർത്ഥിക്കുന്നു. ഒന്നോ, രണ്ടോ, ആയിരമോ, പതിനായിരമോ, പേരിലേക്ക് ഞങ്ങൾ പറയുന്നത് എത്തിക്കണം എന്നല്ല ഞങ്ങൾ ആഗ്രഹിക്കുന്നത്. മറിച്ച് കേരളത്തിലെ എല്ലാ ജാതിയിലും മതത്തിലും ഉൾപ്പെട്ട, എല്ലാ രാഷ്ട്രീയപ്പാർട്ടികളും സംഘടനകളിലും പ്രവർത്തിക്കുന്ന ദരിദ്രവിഭാഗം ഞങ്ങൾക്ക് പറയാനുള്ളത് കൂടി കേൾക്കണം എന്നാണ് ഞങ്ങൾ ആഗ്രഹിച്ചത്. അതിനുള്ള വഴി ജനങ്ങൾ ഞങ്ങളെ മനസ്സിലാക്കുവാനുള്ള അവസരം ഉണ്ടാക്കുക എന്നത് തന്നെയാണ്. ഞങ്ങൾ നൽകുന്ന സേവനത്തിന് വിലക്കുറവ് നൽകിക്കൊണ്ട് ഒരു നിശ്ചിത ശതമാനം ജനങ്ങളിലേക്ക് എത്തിച്ചേരാൻ കഴിയും എന്ന് ഞങ്ങൾക്കറിയാം. എന്നാൽ വായനാശീലം കുറഞ്ഞ ഭൂരിഭാഗം സാധാരണക്കാരിലേക്കും വളരെപ്പെട്ടെന്ന് എത്തുക എന്നത് ബുദ്ധിമുട്ടാണ് എന്നും ഞങ്ങൾക്കറിയാം. അത് എങ്ങനെ സാധ്യമാവും എന്ന ചിന്തയിൽ നിന്നാണ് മറ്റൊരു ആശയം ഞങ്ങളിൽ ഉടലെടുത്തത്. ചെറിയ ലാഭമേ ലഭിക്കൂ എങ്കിലും ഒരുപാടുപേർ ഞങ്ങളുടെ ഓഡിയോ പ്ലാറ്റ്ഫോമിൽ അംഗങ്ങളായാൽ ലാഭവും വർദ്ധിക്കും. അങ്ങനെ വർദ്ധിക്കുന്ന ലാഭത്തിന്റെ വലിയൊരു വിഹിതം സാമ്പത്തിക പ്രശ്നങ്ങളിൽ പെട്ടുഴലുന്ന പാവപ്പെട്ട കുടുംബങ്ങളെ സഹായിക്കുവാൻ വിനിയോഗിച്ചാൽ അത് ഒരുപാട് പേർക്ക് ഞങ്ങളുടെ പ്ലാറ്റ്ഫോമിൽ ചേരുവാനുള്ള പ്രേരണയാവും എന്ന് മനസ്സിലായി. അതിൽ നിന്നാണ് ഓരോ 400 പേർ ഞങ്ങളുടെ പ്ലാറ്റ്ഫോമിൽ ചേരുമ്പോഴും ഒരു സാധാരണ കുടുംബത്തിന് 5000.00 രൂപ ഞങ്ങളുടെ ലാഭത്തിൽനിന്ന് നൽകുക എന്ന തീരുമാനം എടുത്തത് . ഞങ്ങൾ നിങ്ങൾക്ക് നൽകുന്ന സേവനത്തിന് ആറുമാസത്തിലൊരിക്കൽ നിങ്ങൾ നൽകുന്ന 60 രൂപ ഒരു പാവപ്പെട്ട കുടുംബത്തിന് 5000 രൂപ നൽകുന്ന നിലയിലേക്ക് മാറുവാൻ 400 പേർ വിചാരിച്ചാൽ മതി. കേരളത്തിലെ സാമ്പത്തിക ബുദ്ധിമുട്ടുകളിൽ പെട്ടുഴലുന്ന വിവിധ കുടുംബങ്ങൾക്ക് ഈ ചെറിയ തുക ചിലപ്പോൾ വലിയ സഹായമായേക്കാം. ഞങ്ങളുടെ ഈ പേജിൽ എത്തിപ്പെടുന്നവർ ഒരു തവണയെങ്കിലും ഞങ്ങളെ കേൾക്കുവാൻ തയ്യാറായാൽ നിങ്ങളറിയാതെ തന്നെ സാമ്പത്തിക ബുദ്ധിമുട്ടുകളിൽ പെട്ടുഴലുന്ന ഏതെങ്കിലും ഒരു സാധാരണ കുടുംബത്തെ സഹായിക്കുന്ന ഉദ്യമത്തിന്റെ ഭാഗമാവുകയാണ്.

ഞങ്ങൾ ഒരു ചാരിറ്റി ചെയ്യുവാൻ വേണ്ടി ചെയ്യുന്ന പ്രവർത്തി അല്ല ഇത്, നിങ്ങളിലേക്ക് സമൂഹത്തിൽ നിരന്തരമായി നടക്കുന്ന വിവാദങ്ങളെക്കുറിച്ചുള്ള ഞങ്ങളുടെ കാഴ്ചപ്പാടുകൾ എത്തിക്കുവാൻ എങ്ങനെ കഴിയും എന്ന ചിന്തയിൽ നിന്നാണ് ഇങ്ങനെയൊരു ആശയം ഉടലെടുത്തതെങ്കിലും ഇത് പ്രയോഗികമാക്കുന്നതിലൂടെ ലഭിക്കുന്ന ചാരിതാർഥ്യം അനുഭവിക്കുവാൻ ഞങ്ങൾ ആഗ്രഹിക്കുന്നു. ഇന്ത്യയിലെ മറ്റെല്ലാ ഭാഷകൾ സംസാരിക്കുന്ന ജനങ്ങളിലേക്കും ഞങ്ങളുടെ കാഴ്ചപ്പാടുകൾ എത്തിക്കുവാൻ കഴിയുന്നവരാകണം എന്ന് ഞങ്ങൾ ആഗ്രഹിക്കുന്നു. ഞങ്ങളുടെ പ്രധാന ലക്‌ഷ്യം തന്നെ ഞങ്ങൾ പറയുന്ന കാര്യങ്ങൾ ഇന്ത്യയിലെ ഭൂരിപക്ഷം സാധാരണക്കാരിലേക്കും എത്തിക്കുക എന്നതാണ്. മലയാളത്തിലാണ് അതിന് തുടക്കമിടുന്നത്.

നിങ്ങൾ ഞങ്ങളുടെ കൂടെയുണ്ട് എന്ന വിശ്വാസത്തോടെ......